Moster Grendautval

har arbeidd med ulike saker knytt til utvikling av bygda vår.

Først og fremst er det gjort eit godt arbeid med å kommentere på høyringsutkastet for revidert kommuneplan for Bømlo kommune. Her gav grendautvalet eit omfattande innspel hausten 2009, og no dryge 2 år etter har arbeidet vore på høyringsrunde. Innspelet frå grendautvalet finn ein under fana INNSPEL TIL KOMMUNEN.

Det er gitt eit realtivt omfattande innspel om at Mosterhamn bør inngå som del av verdiskaping på kulturminneområdet. Dette er ei ordning som er styrt frå fylket der Norges Vel spelar ei sentral rolle.

Det siste som er arbeidd med er ny livOGlyst søknad. Me fekk den 24/2 melding om at me var prekvalifisert til hovedsøknadsrunden- med frist 12/3. I den ny søknaden legg me vekt på å jobba fram konkrete saker for bygda, som skal påverka trivsel, aktivitet, og det at me har det kjekt saman!

Me har no oppdatert den gamle sida vår til eit heilt nytt design. Håpar de er fornøgde med resultatet!

Besøk den gamle sida ved å klikke her.

NY EPOKE FOR MOSTER GRENDAUTVAL OG DYNAMISKE MOSTERHAMN

Moster Grendautval hadde årsmøte på kvinnedagen den 8. mars, og det er no klart at nye krefter tek over styringa av grendautvalet. Inntil første styremøte med konstituering av nytt styre og nye roller finn stad, kan ein nøya seg med å seie at både Henrik Friis, Knut Magne Totland og Geir Arne Hilt har takka for seg i utvalet. Nye gode krefter er komt inn i form av Ingvald Grindheim, Arve Lilledal, Rune Sivertsen og Aud Mona Hammersland er kome inn. Reinert Røksund, Berit Laila Ersland, Rolf Kåre Bjørklund og Grethe Sivertsen tek eit nytt år i styret.